انواع مستخدمين الانترنت
3 مشترك
حمصية حرةالمديرة العامة
- بلدي: :
الجنس :
عدد المساهمات : 378
نقاط : 585
الموقع : قلب حبيبي
المزاج : رايقة وصبورة 
انواع مستخدمين الانترنت
الأحد ديسمبر 12 2010, 00:48
انواع مستخدمين الانترنت
الانترنت جعل العالم قرية صغيرة !!! بس كيف بدو يكون قرية صغيرة و هو كل شوي بقطع ؟؟؟ يعني اتخيل حالك عايش في قرية صغيرة و بتحكي مع اهل قريتك يوم و عشر ايام بتقاطعهم ... شو بصير ؟؟؟ ما بعتبروك من هاي القرية !!! طب هدا حكي يا خوان ؟؟؟ غير انو القرية ... قصدي الانترنت صار من ضرورات الحياة و مافي شخص عمرو فوق 12 سنة ما بستخدمو !!!! يعني حقي يكون عندي انترنت 24 ساعة ما بيفصل و اضل انزّل شغلات منو بدون ما تنزل سرعتو ولا شوي ... على كل حال انا مش هاد موضوعي , انا موضوعي هو انو كل شخص بيستخدم الانترنت لامور معينة , تعالو نشوف استخدامات الانترنت في الوطن العربي....
النوع الاول : الشباب ( رجال المستقبل ) : شبابنا العربي بيستخدم الانترنت بلا حدود , و دايما بحب يشوف الاشياء الجديدة و يتعلّمها (( و بتمنى يطبّقها )) , هدا غير الامور الثابتة الي ما بتغيّر ... والي هي اكاونت على الفيس بوك الذي لابد ان يحتوي على صورة " توم كروز" او " توم و جيري " او " توم و حسني " او " جون سينا " , هدا طبعا بعتمد كل الاعتماد على النقص الموجود عندو , يعني هو بحط صورة " توم كروز " عشان يجذب الفتاة الي حاطة صورة " هيفاء وهبي " !!!!! , مع انو " توم كروووز " لو شاف هيفاء وهبي على الطبيعة مش رح يعبّرها .... انا بحكي هالحكي مش لاني ضدهم ... بالعكس الله يوفق سعيد و سعيدة , بس هم حقهم يحبو بعض و يكملو العلاقة على الانترنت بدون ما يقطع ...
النوع التاني :الفتيات ( رجال الحاضر ) : بما انو احنا خرجنا من عالم الكلام و البساطة و دخلنا عالم الديجيتال , الفتيات تطورت غريزة البرم و النق و البلبلة عندهم الى طباعة , يعني : بتكون الصبح مع صحبيتها في المدرسة "لك لك لك لك لك رغي رغي رغي برم برم برم " ووو هيك ليخلص الدوام , لما يروحو على البيت المسافة الي بيناتهم لم و لن تفرق لساناتهم عن بعض !!! لانو الانترنت جعل المسافة الي بيناتهم قرية صغيرة ,,, فكل وحدة بتفوت و بتكمل ما فاتها من برم ( فتتحول الطاقة الكلامية البرمية الى طاقة طباعية و تعليقية ... حسب قانون نيوتن ) ... و تستمر الطباعة بلا كلل ولا ملل و لا يأس حتى الصباح , بيشوفو بعض في الشغل او المدرسة او الجامعة ( المهم يشوفو بعض ) و بيكملو الموضوع الغير مترابط الي فاتحينو !!!! انا بردو مش ضدهم ابدا ... انا من المؤيدين لحقوق المرأة !!! و البند الرابع و الخمسين من كتاب حقوق المرأة للكاتب القدير "شعبان بعد الروجيم " بذكر انه من حق المرأة ان تدردش على الانترنت بدون ان يفصل " و قد اعذر من انذر " ....
النوع التالت : العباقرة ( قاهريني في الحاضر و المستقبل ) : ما بفرق شباب او فتيات ( لانهم بشبهو بعض ) ... هدول الي ماخدين الانترنت علاقة شخصية جدية بحتة , و بينهم و بين جهاز الكمبيوتر علاقة غرامية حميمة مليئة بالحب المتبادل ... طبعا كل وقتهم نزّل هالبرنامج و حمّل هالبرنامج !!!! نزّل هالفيديو و ارفع هالفيديو !!!! نزّل هاللعبة و ارفع هاللعبة !!!! انا هدول بالزات ضدهم , بس بردو حقهم يضلو يرفعو و ينزلو بدون ما يفصل الانترنت بدون اي حدود الا " حدود الاخلاق العامة " .....
مختصر الكلااام , او الفكرة الي حابب اوصلها ,,,,, نفسي ييجي يوم افتح في الانترنت بدون ما يفصل !!!! بس ليس كل الاماني تتحقق , و تجري الرياح بعكس ما تشتهي السفن , و على قولة الشاعر الكبير " ربحي طخ و قلب " يا ريت الانترنت يعود يوما .....
منقولــــــــ
نبع الحنان
بلدي: : 
الجنس :
عدد المساهمات : 629
نقاط : 1087
رد: انواع مستخدمين الانترنت
الثلاثاء يناير 18 2011, 13:35
مشكوره
زوزو على انواع المستخدمين للانترنت
تسلمنى يا غاليه
زوزو على انواع المستخدمين للانترنت
تسلمنى يا غاليه
ندى الايام
بلدي: :
الجنس :
عدد المساهمات : 791
نقاط : 1041 الموقع : داخل قلبي المزاج : بعين الله
رد: انواع مستخدمين الانترنت
الجمعة يناير 21 2011, 10:28
هههههههههههه حلو موضوعك زوزو
والله يلي بدور على ربه بلاقيه
وبعدين بالنسبة لقطع الاتصال قطعونا على الاخر
ودمتي بكل ود
والله يلي بدور على ربه بلاقيه
وبعدين بالنسبة لقطع الاتصال قطعونا على الاخر
ودمتي بكل ود
صلاحيات هذا المنتدى:
لاتستطيع الرد على المواضيع في هذا المنتدى